Էկոնոմիկայի նորանշանակ նախարարն առաջարկել է «ձուկ բռնել» 200 մլն դոլարանոց շուկայում թուրքական ծագման ապրանքների արգելքից հետո
29.11.2020,
00:40
ՀՀ էկոնոմիկայի նորանշանակ նախարար Վահան Քերոբյանը հրաշալի բիզնես հնարավորություններ է ներկայացրել
ԵՐԵՎԱՆ, 29 նոյեմբերի./ԱՌԿԱ/. ՀՀ էկոնոմիկայի նորանշանակ նախարար Վահան Քերոբյանը հրաշալի բիզնես հնարավորություններ է ներկայացրել։
«Գործընկերներ, գիտեք, որ հունվարի 1ից վեց ամսով արգելվելու է թուրքական ծագմամբ ապրանքների շատ լայն տեսականու ներմուծումը` առնվազն վեց ամսով։ Թուրքիայից ներմուծվող հիմնական խոշոր ապրանքնախմբերն են. hագուստ՝ 69.4 մլն ԱՄՆ դոլար, ցիտրուսային պտուղներ՝ 10.3 մլն ԱՄՆ դոլար, մեքենաներ, սարքավորումներ և մեխանիզմներ (էլ. ջեռուցիչ, սառնարան և այլն)՝ 35.3 մլն ԱՄՆ դոլար, նավթ և նավթամթերք՝ 24.3 մլն ԱՄՆ դոլար, քիմիայի և դրա հետ կապված արդյունաբերության ճյուղերի արտադրանք՝ 23.6 մլն ԱՄՆ դոլար, ոչ թանկարժեք մետաղներ և դրանցից պատրաստված իրեր՝ 21.6 մլն ԱՄՆ դոլար։ Ես իհարկե չեմ խրախուսում ցիտրուս աճեցնել, բայց ընդհանուր առմամբ տարեկան 200մլն դոլարի ազատված շուկայում «ձուկ բռնելու» լավ հնարավորություններ կան», – նշել է նա Facebook–յան իր էջում։
Քերոբյանը նաև նշել է, որ ապրանքների մանրամասն ցանկը կարելի է գտնել հետևյալ հղումով։
Նախարարը նշել է, որ ՀՀ էկոնոմիկայի նախարարության թիմը պատրաստ է տրամադրել ավելի մանրամասն տեղեկատվություն` օգնելու լրացնել այս բացը հայկական կամ բարեկամական ծագման ապրանքներով և փող աշխատել։–0–
«Գործընկերներ, գիտեք, որ հունվարի 1ից վեց ամսով արգելվելու է թուրքական ծագմամբ ապրանքների շատ լայն տեսականու ներմուծումը` առնվազն վեց ամսով։ Թուրքիայից ներմուծվող հիմնական խոշոր ապրանքնախմբերն են. hագուստ՝ 69.4 մլն ԱՄՆ դոլար, ցիտրուսային պտուղներ՝ 10.3 մլն ԱՄՆ դոլար, մեքենաներ, սարքավորումներ և մեխանիզմներ (էլ. ջեռուցիչ, սառնարան և այլն)՝ 35.3 մլն ԱՄՆ դոլար, նավթ և նավթամթերք՝ 24.3 մլն ԱՄՆ դոլար, քիմիայի և դրա հետ կապված արդյունաբերության ճյուղերի արտադրանք՝ 23.6 մլն ԱՄՆ դոլար, ոչ թանկարժեք մետաղներ և դրանցից պատրաստված իրեր՝ 21.6 մլն ԱՄՆ դոլար։ Ես իհարկե չեմ խրախուսում ցիտրուս աճեցնել, բայց ընդհանուր առմամբ տարեկան 200մլն դոլարի ազատված շուկայում «ձուկ բռնելու» լավ հնարավորություններ կան», – նշել է նա Facebook–յան իր էջում։
Քերոբյանը նաև նշել է, որ ապրանքների մանրամասն ցանկը կարելի է գտնել հետևյալ հղումով։
Նախարարը նշել է, որ ՀՀ էկոնոմիկայի նախարարության թիմը պատրաստ է տրամադրել ավելի մանրամասն տեղեկատվություն` օգնելու լրացնել այս բացը հայկական կամ բարեկամական ծագման ապրանքներով և փող աշխատել։–0–
