Ռիադի Foodex Saudi-2024 ցուցահանդեսին ՀՀ-ն ներկայացրել է 26 ընկերության արտադրանք

ԵՐԵՎԱՆ, 18 սեպտեմբերի./ԱՌԿԱ/.Սաուդյան Արաբիայի Ռիադ քաղաքում սեպտեմբերի 16-ից մեկնարկել է «Foodex Saudi-2024» միջազգային ցուցահանդեսը, որին Հայաստանի Հանրապետությունը մասնակցում է միասնական ազգային տաղավարով՝ ներկայացնելով 26 հայկական ընկերության արտադրանք, հայտնում է ՀՀ էկոնոմիկայի նախարարությունը։

Ընդհանուր առմամբ, այս տարի ցուցահանդեսը հյուրընկալում է 15 երկիր՝ ազգային տաղավարով, ինչպես նաև շուրջ 500 ընկերություն և առևտրային ցանցերի ներկայացուցիչներ՝ 75 երկրից և շուրջ 20000 այցելու։

Ցուցահանդեսի շրջանակներում նախատեսվում են գնորդների և գործարարների հանդիպումներ, ինչպես նաև «Խոհարարների Համաշխարհային Ասոցիացիա»-ի և Սաուդյան Արաբիայի խոհարարների ասոցիացիայի կողմից կազմակերպված պրոֆեսիոնալ խոհարարների մրցույթ։

Ցուցահանդեսն այցելուների համար բաց կլինի մինչև սեպտեմբերի 19-ը:

Ծանոթացեք լուրերին առաջինն ու քննարկեք դրանք մեր Telegram-ում

11:48 18.09.2024