Բենզինը ՀՀ-ում հունիսին թանկացել է 10,4%-ով, իսկ դիզելային վառելիքը՝ 19%-ով

ԵՐԵՎԱՆ, 6 հուլիսի․/ԱՌԿԱ/․ Բենզինը Հայաստանում 2026 թ.-ի հունիսին 2025 թ.-ի հունիսի համեմատ թանկացել է 10,4%-ով, իսկ դիզելային վառելիքը՝ 19%-ով։ Այս մասին են վկայում Հայաստանի վիճակագրական կոմիտեի տվյալները։

Ընդ որում, բենզինի գները ընթացիկ տարվա հունիսին մայիսի համեմատ աճել են 0,3%-ով, իսկ դիզելային վառելիքի գները նվազել են 1,1%-ով։

Միևնույն ժամանակ, այս տարվա հունիսին անցյալ տարվա հունիսի համեմատ հեղուկ ածխաջրածինները (բութան, պրոպան և այլն) թանկացել են 76,2%-ով, իսկ 2026 թվականի մայիսի համեմատ էժանացել են 18,6%-ով։