Հայաստանի ներքին առևտրաշրջանառությունը 2014-ին աճել է 1,6%` կազմելով 2 402,8 մլրդ դրամ

ԵՐԵՎԱՆ, 19 փետրվարի. /ՍՌԿԱ/. Հայաստանի ներքին առևտրաշրջանառության ընդհանուր ծավալը 2014 թ.–ին աճել է 1,6 տոկոսով` կազմելով 2 402,8 մլրդ դրամ,  հաղորդում է ՀՀ ԱՎԾ–ն։

Միաժամանակ ԱՎԾ–ի տվյալներով` Հայաստանի առևտրաշրջանառության աճն առաջին եռամսյակում կազմել է 4,5 տոկոս, երկրորդ եռամսյակում` 6,3 տոկոս, երրորդ եռամսյակում` 4,7 տոկոս, իսկ չորրորդ եռամսյակում կրճատվել է` 5,6 տոկոս։

Այսպիսով, ներքին առևտրի համեմատաբար ցածր աճը 2014 թ.–ին պայմանավորված էր վերջին եռամսյակում այդ ցուցանիշի նվազմամբ նոյեմբեր–դեկտեմբերին հայկական դրամի կտրուկ արժեզրկման պատճառով։ Հանրապետությունում առևտրի ծավալը 2014 թ.–ի նոյեմբերին, 2013 թ.–ի նոյեմբերի համեմատ, նվազել է 1,2 տոկոս, իսկ արդեն դեկտեմբերին անկումը կազմել է 5,6 տոկոս։

Հայաստանում արտարժույթի փոխարժեքի կտրուկ արժեզրկումը սկսվեց նոյեմբերի 24–ին, երբ դոլարի փոխարժեքը բարձրացավ 16,6 կետով` կազմելով 435 դրամ։ Արդեն դեկտեմբերին դրամն արժեզրկվեց 14,1 տոկոսով` 2013 թ.–ի նույն ժամանակահատվածի համեմատ։

ՀՀ ԱՎԾ–ի տվյալներով` Հայաստանի առևտրաշրջանառության մոտ 61 տոկոսը բաժին է ընկնում մանրածախ առևտրին, որի ծավալը 2014 թ.–ին նվազել է 0,4 տոկոսով` կազմելով 1 466 մլրդ դրամ։ Դեկտեմբերին այս ցուցանիշի անկումը կազմել է 14,2 տոկոս։

Հայաստանի մանրածախ առևտրի շրջանառությանը բաժին է հասել 61 տոկոս, որի ծավալը 2014-ին նվազել է 0,4%-ով` կազմելով 1 466 մլրդ դրամ։ Դեկտեմբերին տվյալ ցուցանիշի անկումը կազմել է 14,2%։

Մեծածախ առևտուրը 2014 թվականին աճել է 5%-ով` մինչև 848,5 մլրդ. դրամ, իսկ ավտոմեքենաների առևտուրն աճել է 3,9%-ով մինչև 88,2 մլրդ. դրամ ($1-479,06 դրամ է)։ -0-