Հայաստան ժամանած զբոսաշրջիկների թիվը 2012թ.-ի առաջին կիսամյակում աճել է 5.1%-ով

ԵՐԵՎԱՆ, 1 օգոստոսի. /ԱՌԿԱ/. 2012 թվականի առաջին կիսամյակում Հայաստան է այցելել 281034 զբոսաշրջիկ: Զբոսաշրջիկների թվի աճը 2011 թվականի նույն ժամանակահատվածի համեմատ կազմել է 5.1 տոկոս, հայտնում է Ազգային վիճակագրական ծառայությունը` վկայաբերելով կատարած հետազոտությունների արդյունքներով ներկայացված հաշվետվությունների տվյալներն ու փորձագիտական գնահատականները:

Բացի այդ, 2012 թվականի հունվար-հունիսին որպես զբոսաշրջիկներ հանրապետությունից մեկնել է 302090 մարդ: Նախորդ տարվա նույն ժամանակահատվածի համեմատ այդ ցուցանիշն աճել է 9.3 տոկոսով:-0-