Հայաստանում փոխադարձ ուղիղ ներդրումները ԵԱՏՄ–ի շրջանակում 2022թ.–ի 9 ամսում աճել են 6 անգամ
31.03.2023,
11:52
ԵԱՏՄ–ի շրջանակում փոխադարձ ուղիղ ներդրումները 2022թ.–ի 9 ամսում մի քանի անգամ ավելացել են Հայաստանում, Բելառուսում և Ղրղըզստանում
ԵՐԵՎԱՆ, 31 մարտի./ԱՌԿԱ/. ԵԱՏՄ–ի շրջանակում փոխադարձ ուղիղ ներդրումները 2022թ.–ի 9 ամսում մի քանի անգամ ավելացել են Հայաստանում, Բելառուսում և Ղրղըզստանում։ Այս մասին հայտնել է Եվրասիական տնտեսական հանձնաժողովի (ԵՏՀ) պաշտոնական ներկաայցուցիչ Իյա Մալկինան ճեպազրույցի ընթացքում, հաղորդում է ՏԱՍՍ–ը։
«Ներդրումները, մասնավորապես 6 անգամ ավելացել են Հայաստանում, կրկնապատկվել են Բելառուսում, իսկ Ղրղըզստանում ավելացել են 4 անգամ։ ԵԱՏՄ–ում հիմնական ներդրողը Ռուսաստանն է», – ասել է Մալկինան։
Աշխարհի բոլոր երկրներից ԵԱՏՄ պետություններ իրականացվող ուղիղ ներդրումների ծավալը ևս ավելացել է, նշել է Մալկինան։–0–
