Հայկական ծագումով խոշոր գործարար է սպանվել Մոսկվայում. ԶԼՄ

ԵՐԵՎԱՆ, 12 հունիսի. /ԱՌԿԱ/. Հայկական ծագումով խոշոր գործարար է սպանվել Մոսկվայում, տեղեկացնում է «Էխո Մոսկվին»։ Ըստ «Ինտերֆաքսի» աղբյուրի տեղեկատվության` նա շինարարական ընկերություններից մեկի հիմնադիր և Իրաքում Հայաստանի դեսպանի եղբայրն էր։ Պաշտոնապես այդ տեղեկատվությունները դեռ չեն հաստատվում, սակայն և չեն հերքվում։ Ինչպես տեղեկացնում են Քննչական կոմիտեից, դիմակով անհայտ անձը դանակով հարձակվել է 50–ամյա տղամարդու վրա Նովինսկի բուլվարում գտնվող Լոտե Պլազա հյուրանոցի մուտքի մոտ, նույն շենքում են գտնվում համանուն առևտրային և բիզնես կենտրոնները։ Ինչպես պարզաբանում է «Լայֆ նյուզը», մահացած գործարարի անունը Հովիկ Մուրադյան է։ Մոսկվայի ամենաթանկ հյուրանոցներից մեկը նա եկել էր հանդիպման։ Պարբերականն ավելացնում է, որ եղբոր` Մուրադ Մուրադյանի հետ համատեղ նա 20 տարի առաջ հիմնադրել էր «Բամո» միջազգային շինարարական ընկերությունը։ Սպանության փաստի առթիվ քրեական գործ է հարուցվել։ –0–