Պաշտպանական համալսարանի ստեղծման աշխատանքները կսկսվեն 2015 թվականին

ԵՐԵՎԱՆ, 19 մարտի. /ԱՌԿԱ/. Ազգային պաշտպանական հետազոտական համալսարանի ստեղծման նախապատրաստական աշխատանքները կսկսվեն 2015 թվականին, հայտնում է Հայաստանի պաշտպանության նախարարության մամուլի ծառայությունը Պաշտպանական ազգային համալսարանի տեխնոլոգիաների և ազգային անվտանգության քաղաքականության կենտրոնի փոխտնօրեն, անվտանգային քաղաքագիտության դոկտոր Ջեյմս Քիգլի հետ գերատեսչության ղեկավար Սեյրան Օհանյանի հետ հանդիպման արդյունքներով։

Համալսարանը կստեղծվի ՀՀ ՊՆ Դրաստամատ Կանայանի անվան Ազգային ռազմավարական հետազոտությունների ինստիտուտի հենքի վրա։

Հանդիպմանը մասնակցել են նաև ՀՀ պաշտպանության նախարարի խորհրդական-Ազգային ռազմավարական հետազոտությունների ինստիտուտի պետ, քաղաքական գիտությունների դոկտոր-պրոֆեսոր, գեներալ-մայոր Հայկ Քոթանջյանը և Ինստիտուտի պետի տեղակալ-Վերլուծական կենտրոնի պետ, պատմական գիտությունների թեկնածու Բենիամին Պողոսյանը:

Սեյրան Օհանյանը գոհունակություն է հայտնել Պաշտպանական ազգային հետազոտական համալսարանի ստեղծման ուղղությամբ կատարված աշխատանքների արդյունքներից և կարևորել է պաշտպանության նախարարության շուրջ միջգերատեսչական անվտանգային ներուժի համախմբումը:

Ազգային ռազմավարական հետազոտությունների ինստիտուտը ստեղծվել է 2007 թվականին։ -0-