Արցախի ՊԲ–ն ներկայացրել է նախորդ 7 օրվա ընթացքում առաջնագծում տիրող իրավիճակը
01.02.2020,
12:23
ՊԲ առաջապահ զորամասերը լիակատար վերահսկողություն են պահպանում առաջնագծում
ԵՐԵՎԱՆ, 1 փետրվարի./ԱՌԿԱ/. Արցախի ՊԲ–ն ներկայացրել է նախորդ 7 օրվա ընթացքում առաջնագծում տիրող իրավիճակը։
Հունվարի 26-ից փետրվարի 1-ն ընկած ժամանակահատվածում արցախա-ադրբեջանական հակամարտ զորքերի շփման գոտում հակառակորդը խախտել է հրադադարի պահպանման ռեժիմը շուրջ 200 անգամ` տարբեր տրամաչափի հրաձգային զինատեսակներից հայ դիրքապահների ուղղությամբ արձակելով ավելի քան 1150 կրակոց:
«ՊԲ առաջապահ զորամասերը լիակատար վերահսկողություն են պահպանում առաջնագծում և շարունակում անհրաժեշտ քայլեր ձեռնարկել մարտական դիրքերի պահպանությունը հուսալիորեն կազմակերպելու համար», – նշվում է հաղորդագրության մեջ:–0–
