Ձերբակալվել է Երևանի նախկին քաղաքապետ Ռոբերտ Նազարյանը. ՀՔԾ
ԵՐԵՎԱՆ, 6 օգոստոսի./ԱՌԿԱ/. Ձերբակալվել է Երևանի նախկին քաղաքապետ, Հանրային ծառայությունները կարգավորող հանձնաժողովի նախագահ Ռոբերտ Նազարյանը։
Այս մասին հաղորդում է «Նովոստի–Արմենիա» գործակալությունը` հղում անելով ՀՔԾ մամուլի քարտուղար Մարինա Օհանջանյանին։
«Ռոբերտ Նազարյանը ձերբակալվել է ՀՔԾ–ի վարույթոմ գտնվող քրեական գործերից մեկի շրջանակում։ Մնացած մանրամասները կներկայացվեն ավելի ուշ», – ասել է Օհանջանյանը։
Հայկական ԶԼՄ–ներում տեղեկատվություն է տարածվել այն մասին, որ Նազարյանին ձերբակալել են, քանի որ նա հրաժարվել է ցուցմունք տալ ՀՀ նախկին նախագահ Սերժ Սարգսյանի դեմ։
Նազարյանը 2001–2003թթ.–ին զբաղեցրել է Երևանի քաղաքապետի պաշտոնը, 2003–2018թթ.–ին զբաղեցրել է Հանրային ծառայությունները կարգավորող հանձնաժողովի նախագահի պաշտոնը։–0–
