ԿԲ–ն անփոփոխ է թողել վերաֆինանսավորման տոկոսադրույքը՝ 6.5%
05.05.2026,
13:27
Անփոփոխ են մնացել նաև լոմբարդային ռեպոյի տոկոսադրույքը՝ 8%, և դրամական միջոցների ներգրավման տոկոսադրույքը՝ 5%
ԵՐԵՎԱՆ, 5 մայիսի․/ԱՌԿԱ/․ Կենտրոնական բանկի խորհուրդը երեքշաբթի կայացած նիստում չորրորդ անգամ անընդմեջ անփոփոխ է թողել վերաֆինանսավորման տոկոսադրույքը՝ 6.5%, հայտնում է ԿԲ մամուլի ծառայությունը:
Անփոփոխ են մնացել նաև լոմբարդային ռեպոյի տոկոսադրույքը՝ 8%, և դրամական միջոցների ներգրավման տոկոսադրույքը՝ 5%:
ՀՀ ԿԲ խորհուրդը 2023 թվականի հունիսից շարունակաբար իջեցնում էր վերաֆինանսավորման տոկոսադրույքն՝ աստիճանաբար այն 10.75%-ից հասցնելով 6.5%-ի 2025 թվականի դեկտեմբերին:
