ԵԱՀԿ Մինսկի խմբի համանախագահները հանդես են եկել հայտարարությամբ Լեռնային Ղարաբաղում տիրող իրավիճակի վերաբերյալ
03.10.2020,
00:51
ԵԱՀԿ Մինսկի խմբի համանախագահները կոչ են արել անհապաղ դադարեցնել կրակը՝ մարդասիրական նպատակներով` զոհվածների մարմինների տարհանման համար
ԵՐԵՎԱՆ, 3 հոկտեմբերի․ /ԱՌԿԱ/․ Ուրբաթ ԵԱՀԿ Մինսկի խմբի համանախագահներ Իգոր Պոպովը (ՌԴ), Շտեֆան Վիսկոնտին (Ֆրանսիա) և Էնդրյու Շոֆերը (ԱՄՆ) հանդես են եկել հայտարարությամբ Լեռնային Ղարաբաղում տիրող իրավիճակի վերաբերյալ։
«Համանախագահները խստորեն դատապարտում են Լեռնային Ղարաբաղի հակամարտության գոտում շարունակվող բռնությունը, ինչպես նաև Հայաստանում և Ադրբեջանում շփման գծից այն կողմ թիրախավորելը, և անհանգստություն հայտնում քաղաքացիական բնակչության շրջանում զոհերի աճի վերաբերյալ: Քաղաքացիական բնակչության դեմ հարձակումներն ու սպառնալիքներն անընդունելի են: Համանախագահները կողմերին հորդորում են լիովին պահպանել խաղաղ բնակչությանը պաշտպանելու իրենց միջազգային պարտավորությունները », - ասվում է փաստաթղթում:
«Համանախագահները խստորեն դատապարտում են Լեռնային Ղարաբաղի հակամարտության գոտում շարունակվող բռնությունը, ինչպես նաև Հայաստանում և Ադրբեջանում շփման գծից այն կողմ թիրախավորելը, և անհանգստություն հայտնում քաղաքացիական բնակչության շրջանում զոհերի աճի վերաբերյալ: Քաղաքացիական բնակչության դեմ հարձակումներն ու սպառնալիքներն անընդունելի են: Համանախագահները կողմերին հորդորում են լիովին պահպանել խաղաղ բնակչությանը պաշտպանելու իրենց միջազգային պարտավորությունները », - ասվում է փաստաթղթում:
Համանախագահները նաև շեշտում են, որ բռնության աճի մեջ ներգրավվածությունը խաթարում է տարածաշրջանում կայուն խաղաղության հասնելու ջանքերը:
Վկայակոչելով երեք համանախագահող երկրների նախագահների հոկտեմբերի 1-ի հայտարարությունը` միջնորդները մեկ անգամ ևս կոչ են անում անհապաղ դադարեցնել ռազմական գործողությունները և վերսկսել բովանդակային բանակցությունները բարեխղճորեն և առանց նախապայմանների:
Համանախագահները նաև կոչ են անում անհապաղ դադարեցնել կրակը՝ մարդասիրական նպատակներով`ապահովելու համար մահացածների մարմինների տարհանումը` համաձայնեցնելով ԵԱՀԿ-ի և ԿԽՄԿ-ի հետ:
