Հաստատվել է Երևանի ավագանու ընտրությունների օրը

ԵՐԵՎԱՆ, 13 հուլիսի./ԱՌԿԱ/. Երևանի ավագանու ընտրությունները տեղի կունենան այս տարվա սեպտեմբերի 17-ին։ Համապատասխան որոշումն ընդունվել է այսօր կառավարության նիստում։

2018 թվականի սեպտեմբերի 23-ին ընտրված գործող ավագանու լիազորությունները լրանում են այս տարվա հոկտեմբերի 10-ին։

Երևանի քաղաքապետի աթոռը թափուր է այս տարվա մարտի 17-ին նախկին քաղաքապետ Հրաչյա Սարգսյանի հրաժարականից հետո։ Նրա պարտականությունները ժամանակավորապես կատարում է առաջին փոխքաղաքապետ Լևոն Հովհաննիսյանը։

ՔՊ–ից նշում է, որ Երևանի քաղաքապետի թեկնածու կառաջադրեն գործող փոխքաղաքապետ Տիգրան Ավինյանին։ Ըստ տարբեր աղբյուրների, այդ թվում՝ լրատվամիջոցների, իրենց թեկնածությունն առաջադրելու մտադրության մասին են հայտնել Արման Թաթոյանը (ՀՀ նախկին օմբուդսմեն), Դավիթ Խաժակյանը («Լուսավոր Հայաստան» կուսակցություն), Մանե Թանդիլյանը («Ապրելու երկիր»), Նատալյա Ռոտենբերգը (գործարար, «Ուժը հայրենյաց կուսակցության առաջնորդ Տիգրան Արզաքանցյանի կինը) , Ռուբեն Հախվերդյանը (բարդ, հասարակական գործիչ), Արտակ Զեյնալյանը («Հանրապետություն»), Կարեն Սարգսյանը («Հայաստանի Եվրոպական կուսակցություն»), Վիկտոր Մնացականյանը (Կենտրոն համայնքի նախկին թաղապետ), Հայկ Գրիգորյանը («Ազգային առաջընթաց»), Երվանդ Թարվերդյանը («Միացյալ Հայաստան»)։–0–