Պուտինը կոչ է արել դադարեցնել ռազմական գործողությունները Ղարաբաղում ու Հայաստանի և Ադրբեջանի ԱԳ նախարարներին հրավիրել Մոսկվա` խորհրդակցությունների
09.10.2020,
01:08
Պուտինը կոչ է արել դադարեցնել ռազմական գործողությունները Լեռնային Ղարաբաղում
ԵՐԵՎԱՆ, 9 հոկտեմբերի./ԱՌԿԱ/. ՌԴ նախագահ Վլադիմիր Պուտինը հանդես է եկել հայտարարությամբ Արցախում տիրող իրավիճակի կապակցությամբ։
Պուտինի հայտարարությունը հրապարակվել է Կրեմլի պաշտոնական կայքում։
«Ադրբեջանի նախագահ Իլհամ Ալիևի և ՀՀ վարչապետ Նիկոլ Փաշինյանի հետ ունեցած մի շարք հեռախոսազրույցներից հետո ՌԴ նախագահը դիմում է կոչով` դադարեցնել ղարաբաղյան հակամարտության գոտում ընթացող ռազմական գործողությունները` ելնելով հումանիտար նկատառումներից` զոհերի մարմիններն ու գերիներին փոխանակելու նպատակով։ ՌԴ ԱԳ նախարարի միջնորդությամբ այդ հարցերի շուրջ խորհրդակցություններ անցկացնելու համար հոկտեմբերի 9–ին Մոսկվա են հրավիրվում Ադրբեջանի և Հայաստանի արտգործնախարարները», – ասվում է Պուտինի հայտարարության մեջ։–0–
