Վարչապետ. Ադրբեջանը երկրորդ անգամ չի կատարում ռազմագերիների հետ կապված իր խոստում
03.10.2022,
11:51
Առաջին դեպքը մայիսին էր, երբ խոստումը տրվեց Բրյուսելում, իսկ երկրորդը`հիմա, երբ Ադրբեջանը Վաշինգտոնում պարտավորվեց մինչև սեպտեմբերի 30–ն ազատ արձակել 17 հայ ռազմագերիների
ԵՐԵՎԱՆ, 3 հոկտեմբերի./ԱՌԿԱ/. Արդեն երկրորդ անգամն է, որ Ադրբեջանը հրաժարվում է կատարել իր խոստումը, որը վերաբերում է հայ ռազմագերիների ազատ արձակմանը։ Այս մասին գրել է ՀՀ վարչապետ Նիկոլ Փաշինյանը Twitter–ի իր միկրոբլոգում։
«Առաջին դեպքը մայիսին էր, երբ խոստումը տրվեց Բրյուսելում, իսկ երկրորդը`հիմա, երբ Ադրբեջանը Վաշինգտոնում պարտավորվեց մինչև սեպտեմբերի 30–ն ազատ արձակել 17 հայ ռազմագերիների», – գրել է Փաշինյանը։
Ինչպես Facebook–յան իր էջում գրել է ԱԽ քարտուղար Արմեն Գրիգորյանը, սեպտեմբերի 27-ին ԱՄՆ նախագահ Ջո Բայդենի Ազգային անվտանգության հարցերով խորհրդական Ջեյք Սալիվանի նախաձեռնությամբ Սպիտակ տանը տեղի ունեցած իմ և ԱՀ նախագահի օգնական Հիքմեթ Հաջիևի հանդիպման ժամանակ եռակողմ պայմանավորվածություն է ձեռք բերվել, որ մինչև սեպտեմբերի 30-ը Ադրբեջանն ազատ է արձակելու սեպտեմբերին գերեվարված 17 հայ ռազմագերիներին:
«Արձանագրենք, որ հերթական անգամ Ադրբեջանը չի կատարել իր ստանձնած պարտավորությունը», – նշել է Գրիգորյանը։
Ավելի վաղ ՄԻԵԴ–ում հայ գերիների շահերը ներկայացնող Սիրանուշ Սահակյանը հայտարարել է, որ Ադրբեջանում պահվում են 80 հայ գերիներ, որոնք ենթարկվել են բռնի անհետացման։–0–
«Առաջին դեպքը մայիսին էր, երբ խոստումը տրվեց Բրյուսելում, իսկ երկրորդը`հիմա, երբ Ադրբեջանը Վաշինգտոնում պարտավորվեց մինչև սեպտեմբերի 30–ն ազատ արձակել 17 հայ ռազմագերիների», – գրել է Փաշինյանը։
Ինչպես Facebook–յան իր էջում գրել է ԱԽ քարտուղար Արմեն Գրիգորյանը, սեպտեմբերի 27-ին ԱՄՆ նախագահ Ջո Բայդենի Ազգային անվտանգության հարցերով խորհրդական Ջեյք Սալիվանի նախաձեռնությամբ Սպիտակ տանը տեղի ունեցած իմ և ԱՀ նախագահի օգնական Հիքմեթ Հաջիևի հանդիպման ժամանակ եռակողմ պայմանավորվածություն է ձեռք բերվել, որ մինչև սեպտեմբերի 30-ը Ադրբեջանն ազատ է արձակելու սեպտեմբերին գերեվարված 17 հայ ռազմագերիներին:
«Արձանագրենք, որ հերթական անգամ Ադրբեջանը չի կատարել իր ստանձնած պարտավորությունը», – նշել է Գրիգորյանը։
Ավելի վաղ ՄԻԵԴ–ում հայ գերիների շահերը ներկայացնող Սիրանուշ Սահակյանը հայտարարել է, որ Ադրբեջանում պահվում են 80 հայ գերիներ, որոնք ենթարկվել են բռնի անհետացման։–0–
