Ոստիկանություն. ընտրողների ռեգիստրում ընդրկված է ավելի քան 2,58մլն ընտրող

ԵՐԵՎԱՆ, 31 մայիսի./ԱՌԿԱ/. ՀՀ ոստիկանության տվյալներով, ՀՀ ընտրողների ռեգիստրում ընդգրկված ընտրողների ընդհանուր թիվը, որը կազմում է 2.581.093 ընտրող:

«Ըստ գտնվելու վայրի և հաշվառում չունեցող ընտրողների՝ քվեարկությանը մասնակցելու համար ընտրողների ցուցակում ընդգրկվելու մասին դիմում ներկայացնելու գործընթացը սկսվում է 31.05.2021 թ.` ընտրություններից 20 օր առաջ», – նշվում է ոստիկանության հայտարարության մեջ։

Հունիսի 20–ին նախատեսված արտահերթ խորհրդարանական ընտրություններին մասնակցելու համար ԿԸՀ փաստաթղթեր է ներկայացրել 22 քաղաքական կուսակցություն և 4 դաշինք։–0–