ԱՀ ՊՆ–ն հերքում է ադրբեջանական ԶԼՄ–ների հերթական ապատեղեկատվությունը
ՍՏԵՓԱՆԱԿԵՐՏ, 3 մայիսի. /ԱՌԿԱ/. Այսօր ադրբեջանական լրատվամիջոցները տարածել են հերթական ապատեղեկատվությունը։
«Այսօր ադրբեջանական լրատվամիջոցները տարածել են հերթական ապատեղեկատվություն, ըստ որի հայկական ուժերն անցած գիշեր գնդակոծություն են իրականացրել Աղդամի շրջանի Ջամանլը ճակատամերձ գյուղի մոտակայքում վերանորոգման և վերականգնողական աշխատանքներ իրականացնող խաղաղ քաղաքացիների ուղղությամբ, ինչի հետևանքով վնասվել է տեղում աշխատող տեխնիկան», – նշվում է ԱՀ ՊՆ հաղորդագրության մեջ։
ԱՀ պաշտպանության նախարարությունը հերքում է Բաքվի կողմից սադրիչ նպատակներ հետապնդող վերոնշյալ տեղեկությունը ու մեկ անգամ ևս հիշեցնում, որ ՊԲ առաջապահ ստորաբաժանումները երբևէ չեն թիրախավորել և չեն թիրախավորելու քաղաքացիական բնակչությանը:
«Ինչպես միշտ, Արցախի զինված ուժերը շարունակում է հավատարիմ մնալ շփման գծում հաստատված հրադադարի ռեժիմի պահպանմանը և երբեք հանդես չի գալիս նախահարձակի դերում», – հայտնում է ԱՀ ՊՆ–ից։–0–
