ՀՀ նախագահը ցավակցական հեռագիր է հղել Էրդողանին Ստամբուլում տեղի ունեցած ահաբեկչության կապակցությամբ
29.06.2016,
19:01
ՀՀ նախագահ Սերժ Սարգսյանը ցավակցական հեռագիր է հղել Թուրքիայի Հանրապետության նախագահ Ռեջեփ Թայիփ Էրդողանին՝ հունիսի 28-ին Ստամբուլում տեղի ունեցած ահաբեկչության կապակցությամբ։
ԵՐԵՎԱՆ, 29 հունիսի. /ԱՌԿԱ/. ՀՀ նախագահ Սերժ Սարգսյանը ցավակցական հեռագիր է հղել Թուրքիայի Հանրապետության նախագահ Ռեջեփ Թայիփ Էրդողանին՝ հունիսի 28-ին Ստամբուլում տեղի ունեցած ահաբեկչության կապակցությամբ, որը մի քանի տասնյակ անմեղ զոհերի և հարյուրից ավելի վիրավորների պատճառ է դարձել, հաղորդում է ՀՀ նախագահի մամուլի ծառայությունը։
Նախագահը խստորեն դատապարտել է այդ ահաբեկչական գործողությունը, խորին ցավակցություն հայտնել զոհվածների հարազատներին, իսկ վիրավորներին մաղթել շուտափույթ ապաքինում:
Նախօրեին Ստամբուլի միջազգային օդանավակայանում գրանցված երկու պայթյունների հետևանքով զոհվել է 41 մարդ, 239–ը վիրավորվել է։ Ահաբեկչությունն իրականացրել են երեք մահապարտներ։ –0–
