«Հրապարակ». ՀՅԴ պորտֆելների ստանձնման գործընթացը երկար է տևելու

ԵՐԵՎԱՆ, 4 փետրվարի. /ԱՌԿԱ/. Այսօր տեղի ունենալիք կառավարության նիստի օրակարգում ներառված չէ կառավարության կառուցվածքում փոփոխությունների հարցը, չնայած նիստից առաջ մինչև վերջին վայրկյանը կարող է ցանկացած հարց ներառվել, գրում է hraparak.am–ը։

Ըստ հրատարակության` անգամ եթե ներառվի, ՀՅԴ պորտֆելների ստանձնման գործընթացը բավականին երկար է տևելու այն պատճառով, որ տարածքային կառավարման և արտակարգ իրավիճակների նախարարությունները պետք է առանձնացվեն իրարից։

Ապա՝ կառավարության սույն որոշումն արտահերթ՝24-ժամյա ռեժիմով պետք է քննարկվի-քվեարկվի Աժ-ում, գրում է հրատարակությունը։

Եվ քանի որ այս պահի դրությամբ նման հարց կառավարության օրակարգում չկա, Աժ քառօրյան էլ ավարտվում է, իսկ հաջորդ քառօրյան 2 շաբաթից է մեկնարկելու, ուստի փետրվարի 21-ից շուտ հարցը չի լուծվի։ Գոնե ՏԿ-ի մասով։

Մնում է արտահերթ նիստի տարբերակը, ինչն Աժ-ում քիչ հավանական են համարում, գրում է հրատարակությունը։–0–

Ծանոթացեք լուրերին առաջինն ու քննարկեք դրանք մեր Telegram-ում

10:49 04.02.2016