Ժնևում ընթանում է Հայաստանի և Ադրբեջանի նախագահների առանձնազրույցը
16.10.2017,
15:40
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը:
ԵՐԵՎԱՆ, 16 հոկտեմբերի. /ԱՌԿԱ/. Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը, Twitter–յան միկրոբլոգում գրել է ՀՀ նախագահի մամուլի քարտուղար Վլադիմիր Հակոբյանը։
«Բանակցությունների ավարտից հետո այս պահին ընթանում է Սերժ Սարգսյանի և Իլհամ Ալիևի առանձնազրույցը», – նշել է Հակոբյանը։
Ավելի վաղ Ժնևում կայացան Սերժ Սարգսյանի և Իլհամ Ալիևի բանակցությունները` ԵԱՀԿ ՄԽ համանախագահների մասնակցությամբ։ Հանդիպմանը ներկա էին նաև երկու երկրների արտաքին գործերի նախարարներ Էդվարդ Նալբանդյանը և Էլմար Մամեդյարովը։–0–
