Ռուսաստանը տնտեսապես շահագրգռված չէ եվրասիական ինտեգրման հարցում. փորձագետ

ԵՐԵՎԱՆ, 19 դեկտեմբերի. /ԱՌԿԱ/. Ռուսաստանը տնտեսապես շահագրգռված չէ հետխորհրդային տարածքում իրականացվող ինտեգրացիոն գործընթացներով, կարծում է Անկարայում «Հայելի» շաբաթաթերթի քաղաքական թղթակից Ռաուֆ Միրկադիրովը։
 
«Մաքսային միության կազմում ընդգրկված երկրների հետ Ռուսաստանի առևտրաշրջանառությունը նույնիսկ ընդհանուր առևտրաշրջանառության 10 տոկոսը չի կազմում և, հաշվի առնելով Հայաստանի և Ուկրաինայի միացումը ՄՄ–ին, չի հասնի 20 տոկոսի»,– «Անվտանգությունը և համագործակցությունը Հարավային Կովկասում» միջազգային համաժողովի ընթացքում ասաց Միրկադիրովը։

Միրկադիրովն ավելացրեց նաև, որ եվրասիական ինտեգրումը Ռուսաստանից մեծ ֆինանսական ծախսեր կպահանջի։ –0–