Շվեդիայի ԱԳ նախարարը կայցելի Հայաստան
08.02.2016,
14:07
Շվեդիայի ԱԳ նախարար Մարգոտ Վալստրյոմը պաշտոնական այց կկատարի Հայաստան։
ԵՐԵՎԱՆ, 8 փետրվարի. /ԱՌԿԱ/. Փետրվարի 8-9-ը ՀՀ արտգործնախարար Էդվարդ Նալբանդյանի հրավերով Շվեդիայի Թագավորության արտաքին գործերի նախարար Մարգոտ Վալստրյոմը պաշտոնական այց կկատարի Հայաստան, հաղորդում է ՀՀ ԱԳՆ մամուլի ծառայությունը։
Փետրվարի 9-ին Շվեդիայի արտգործնախարարը կայցելի Ծիծեռնակաբերդ: Նախատեսված են շրջայց Ցեղասպանության թանգարան-ինստիտուտում, ծաղկեպսակի զետեղման արարողություն:
Նույն օրը Մարգոտ Վալստրյոմը կայցելի «Թումո» ստեղծարար տեխնոլոգիաների կենտրոն:
Փետրվարի 9–ին տեղի կունենան Հայաստանի և Շվեդիայի արտգործնախարարների բանակցությունները։ Նախատեսված է նաև Վալստրյոմի և ՀՀ նախագահ Սերժ Սարգսյանի հանդիպումը։ –0–
