ԱՄՆ–ն կարևորում է Հայաստանի հետ պաշտպանական բնագավառում փոխգործակցության զարգացումը
18.12.2013,
13:24
ԱՄՆ–ն կարևորում է Հայաստանի հետ պաշտպանական բնագավառում փոխգործակցության զարգացումը, Երևանում ՀՀ ԱԳՆ ղեկավար Էդվարդ Նալբանդյանի հետ ունեցած հանդիպման ընթացքում նշեց Ռուսաստանի, Ուկրաինայի, Եվրասիայի հարցերով ԱՄՆ պաշտպանության քարտուղարի փոխտեղակալ Էվելին Ֆարկասը։
ԵՐԵՎԱՆ, 18 դեկտեմբերի. /ԱՌԿԱ/. ԱՄՆ–ն կարևորում է Հայաստանի հետ պաշտպանական բնագավառում փոխգործակցության զարգացումը, Երևանում ՀՀ ԱԳՆ ղեկավար Էդվարդ Նալբանդյանի հետ ունեցած հանդիպման ընթացքում նշեց Ռուսաստանի, Ուկրաինայի, Եվրասիայի հարցերով ԱՄՆ պաշտպանության քարտուղարի փոխտեղակալ Էվելին Ֆարկասը։
Ինչպես հաղորդում է ՀՀ ԱԳՆ մամուլի ծառայությունը, զրույցի ընթացքում Նալբանդյանը նշել է, որ հայ-ամերիկյան գործընկերությունը տարբեր բնագավառներում, ներառյալ պաշտպանական և անվտանգության ոլորտը, վերջին տարիներին դինամիկ կերպով զարգանում է, և առկա են նախադրյալներ դրանց ընդլայնման համար։
Արտգործնախարարն անդրադարձել է նաև տարածաշրջանում սպառազինությունների վերահսկման խնդիրներին, մասնավորապես տարածաշրջանային խաղաղության պահպանման համար Եվրոպայում Սովորական սպառազինությունների պայմանագրի արդիականացման կարևորությանը։
ՀՀ արտաքին քաղաքական գերատեսչության ղեկավարը ընդգծել է, որ Հայաստանն ակտիվորեն մասնակցում է զանգվածային ոչնչացման զենքի, միջուկային, քիմիական և կենսաբանական զենքի չտարածման, ահաբեկչության դեմ պայքարի միջազգային նախաձեռնություններին:
Հյուրի խնդրանքով նախարար Նալբանդյանը ներկայացրել է ղարաբաղյան հիմնախնդրի կարգավորման գործընթացի վերջին զարգացումները, տարածաշրջանային խնդիրների վերաբերյալ Հայաստանի մոտեցումները
Հանդիպման ընթացքում անդրադարձ է կատարվել Հայաստանի մասնակցությանը միջազգային խաղաղապահ գործունեությանը, և կարևորվել Աֆղանստանում և Կոսովոյում խաղաղապահ առաքելություններին Հայաստանի ունեցած ներդրումը:
Քննարկվել են Հայաստան-ՆԱՏՕ հարաբերությունները։
Էվելին Ֆարկասը Հայաստանում է գտնվում երկօրյա այցով` պաշտպանության ոլորտում երկկողմ համագործակցության հարցերի վերաբերյալ խորհրդակցություն անցկացնելու նպատակով։ Այցի շրջանակում նախատեսված են նաև հանդիպումներ ՀՀ պաշտպանության նախարար Սեյրան Օհանյանի և գիտական շրջանակներից փորձագետների հետ։ –0–
Ինչպես հաղորդում է ՀՀ ԱԳՆ մամուլի ծառայությունը, զրույցի ընթացքում Նալբանդյանը նշել է, որ հայ-ամերիկյան գործընկերությունը տարբեր բնագավառներում, ներառյալ պաշտպանական և անվտանգության ոլորտը, վերջին տարիներին դինամիկ կերպով զարգանում է, և առկա են նախադրյալներ դրանց ընդլայնման համար։
Արտգործնախարարն անդրադարձել է նաև տարածաշրջանում սպառազինությունների վերահսկման խնդիրներին, մասնավորապես տարածաշրջանային խաղաղության պահպանման համար Եվրոպայում Սովորական սպառազինությունների պայմանագրի արդիականացման կարևորությանը։
ՀՀ արտաքին քաղաքական գերատեսչության ղեկավարը ընդգծել է, որ Հայաստանն ակտիվորեն մասնակցում է զանգվածային ոչնչացման զենքի, միջուկային, քիմիական և կենսաբանական զենքի չտարածման, ահաբեկչության դեմ պայքարի միջազգային նախաձեռնություններին:
Հյուրի խնդրանքով նախարար Նալբանդյանը ներկայացրել է ղարաբաղյան հիմնախնդրի կարգավորման գործընթացի վերջին զարգացումները, տարածաշրջանային խնդիրների վերաբերյալ Հայաստանի մոտեցումները
Հանդիպման ընթացքում անդրադարձ է կատարվել Հայաստանի մասնակցությանը միջազգային խաղաղապահ գործունեությանը, և կարևորվել Աֆղանստանում և Կոսովոյում խաղաղապահ առաքելություններին Հայաստանի ունեցած ներդրումը:
Քննարկվել են Հայաստան-ՆԱՏՕ հարաբերությունները։
Էվելին Ֆարկասը Հայաստանում է գտնվում երկօրյա այցով` պաշտպանության ոլորտում երկկողմ համագործակցության հարցերի վերաբերյալ խորհրդակցություն անցկացնելու նպատակով։ Այցի շրջանակում նախատեսված են նաև հանդիպումներ ՀՀ պաշտպանության նախարար Սեյրան Օհանյանի և գիտական շրջանակներից փորձագետների հետ։ –0–
