Կիպրոսի Հանրապետության ազգային պաշտպանության նախարարը կժամանի Հայաստան

ԵՐԵՎԱՆ, 26 մայիսի. /ԱՌԿԱ/. Կիպրոսի Հանրապետության ազգային պաշտպանության նախարարը` Խրիստոֆորոս Ֆոկաիդեսը չորեքշաբթի պաշտոնական այցով կժամանի Հայաստան, հաղորդում է հայկական պաշտպանական գերատեսչության մամլո ծառայությունը։

Դիմավորման հանդիսավոր արարողությունը տեղի կունենա Հայաստանի ՊՆ վարչական համալիրում, որից հետո կկայանա երկու նախարարների`Հայաստանի Հանրապետության և Կիպրոսի Հանրապետության պաշտպանության նախարարների` Սեյրան Օհանյանի և Խրիստոֆորոս Ֆոկաիդեսի բանակցությունները, ինչպես նաև երկու պետությունների պատվիրակությունների հանդիպումը ընդլայնված կազմով։

Նախատեսվում է, ստորագրել հայ-կիպրական ռազմական համագործակցության 2015թ. ծրագիրը և կարճատև մամուլի ասուլիս: -0-