Նազարբաևն առաջարկում է Թուրքիային ընդունել Մաքսային միություն
ԵՐԵՎԱՆ, 24 հոկտեմբերի. /ԱՌԿԱ/. Ղազախստանի նախագահ Նուրսուլթան Նազարբաևն առաջարկել է Թուրքիային ընդունել Մաքսային միություն։
«Թուրքիայի նախագահը դիմել է մեզ` մեր Մաքսային միության անդամ դառնալու խնդրանքով։ Եկեք Թուրքիային էլ ընդունենք», – ասել է Նազարբաևը
Մինսկում տեղի ունեցող Եվրասիական տնտեսական գերագույն խորհրդի նիստի ժամանակ։
Նրա խոսքերով` երբ ինքն արտերկրում է լինում, իրեն շատ են հարցնում, որ «մենք ԽՍՀՄ–ենք ստեղծում կամ Ռուսաստանին ենթակա որևէ բան»։
«Միգուցե Թուրքիային էլ ընդունենք, այն մեծ երկիր է, և խոսակցությունները կավարտվեն», – առաջարկել է Նազարբաևը Ռուսաստանի և Բելառուսի նախագահներին, հաղորդում է «ՌԻԱ Նովոստին»։–0–
Ծանոթացեք լուրերին առաջինն ու քննարկեք դրանք մեր Telegram-ում
18:56 24.10.2013
