ՀՐԱՏԱՊ. Խորհրդարանականների մեծամասնությունը ձախողել է ԼՂՀ անկախության ճանաչման մասին օրինագծի քվեարկությունը

ԵՐԵՎԱՆ, 13 նոյեմբերի. /ԱՌԿԱ/. ՀՀ ԱԺ պատգամավորների մեծ մասը չորեքշաբթի նիստի ժամանակ ձախողել է «Ժառանգություն» ընդդիմադիր խմբակցության կողմից ներկայացված «Հայաստանի կողմից Լեռնային Ղարաբաղի Հանրապետության անկախության ճանաչման մասին» օրենքի օրինագծի քվեարկությունը, հաղորդում է «Նովոստի–Արմենիա» գործակալությունը։

Օրինագծի քվեարկությունը բոյկոտել է խորհրդարանի խմբակցությունների մեծ մասը, մասնավորապես` Հայաստանի հանրապետական կուսակցության և ՕԵԿ–ի կոալիցիոն խմբակցությունները, «Բարգավաճ Հայաստան» խմբակցությունը, ինչպես նաև «Հայ ազգային կոնգրես» ընդդիմադիր խմբակցությունը։

Օրինագծին կողմ է քվեարկել նիստին ներկա գտնվող 109 պատգամավորից 10 պատգամավոր, մեկը ձեռնպահ է մնացել։–0–