Հայաստանը հետաքրքրված է Իրանի հիմնախնդրի կարգավորմամբ բանակցությունների գործընթացի շրջանակներում. վարչապետ
ԵՐԵՎԱՆ, 10 ապրիլի. /ԱՌԿԱ/. Հայաստանը հետաքրքրված է Իրանի հիմնախնդրի կարգավորմամբ բանակցությունների գործընթացի շրջանակներում, ասել է վարչապետ Տիգրան Սարգսյանը ՌԲԿ հրատարակությանը տված հարցազրույցում:
«Մենք պատմականորեն բարիդրացիական հարաբերություններ ունենք Իրանի հետ
և մինչ օրս պահպանում ենք դրանք: Մենք մեծ համայնք ունենք Իրանում, որը մեծաթիվ արտոնություններ ունի: Իրանի կառավարությունը բարենպաստ պայմաններ է ստեղծել հայերի համար, այդ թվում նաև օրենսդրորեն: Հաշվի առնելով բոլոր փաստերը` մենք պետք է անենք ամեն ինչ պահպանելու համար մեր հարաբերությունները և պետք է հասնենք նրան, որ նրանց ոչինչ չսպառնա»,- ասել է Սարգսյանը:
Նրա խոսքերով, անշուշտ, այսօր մեծ ռիսկեր կան, այդ թվում նաև միջազգային պատժամիջոցներ Իրանի դեմ:
«Դրանք արգելակում են տնտեսական հարաբերությունների զարգացումը: Ինչ վերաբերում է մեր դիրքորոշմանը իրանական միջուկային գործի վերաբերյալ,
մենք շահագրգիռ ենք դրա լուծմամբ բանակցությունների գործընթացի շրջանակներում: Այս գործընթացն ընթանում է իրավաբանական հարաբերությունների մակարդակով` ՄԱԳԱՏԷ-ի հետ ուղղակի շփումներով»,- նշել է վարչապետը:-0-
Ծանոթացեք լուրերին առաջինն ու քննարկեք դրանք մեր Telegram-ում
19:32 10.04.2012
