Երևանը ցանկանում է, որ «ռուս գործընկերները հաշվի առնեն Հայաստանի իշխանությունների անկախ որոշումները»․ ՀՀ նախագահ
ԵՐԵՎԱՆ, 12 սեպտեմբերի․/ԱՌԿԱ/․ Վերջին տարիներին Հայաստանը հասել է նրան, որ իր հարաբերությունները Ռուսաստանի հետ դարձել են իսկապես գործընկերային, ասել է ՀՀ նախագահ Վահագն Խաչատուրյանը RTVI-ին տված հատուկ հարցազրույցում։
«Հիմա Ռուսաստանի հետ հարաբերությունները բոլորովին այլ են՝ գործընկերային հարաբերություններ, իրականում՝ գործընկերային հարաբերություններ Ռուսաստանի հետ: <…> Ռուսաստանի վերաբերմունքը Հայաստանի նկատմամբ ոչ թե ավագ-կրտսեր եղբոր նման է, այլ պարզապես գործընկերային հարաբերությունների: Այն, ինչին մենք իրականում փորձում էինք հասնել վերջին չորս տարիներին»,- ասել է Խաչատուրյանը։
Նախագահի խոսքով, Երևանը ցանկանում է, որ «ռուս գործընկերները հաշվի առնեն Հայաստանի իշխանությունների անկախ որոշումները»։
«Հայաստանի իշխանությունն աշխատում է հանուն Հայաստանի բնակիչների, Հայաստանի Հանրապետության բարօրության, բարգավաճման և այլն, և այլն։ Դրա համար ՀՀ կառավարությունը, իշխանությունն ինքը պետք է որոշի, թե ում հետ, ինչպես առևտուր անել, աշխատել, դիվանագիտական հարաբերություններ ունենալ»,- ընդգծել է Խաչատուրյանը։
Նա ընդունել է, որ Հայաստանը տնտեսապես կախված է Ռուսաստանից, սակայն կարծիք հայտնեց, որ այն «նաև տնտեսական իմաստով կախված է» հանրապետությունից։
