Հակառակորդը խախտել է հրադադարի ռեժիմը շփման գծում
ԵՐԵՎԱՆ, 21 փետրվարի. /ԱՌԿԱ/. Փետրվարի 20-ին և լույս 21-ի գիշերը ղարաբաղա-ադրբեջանական հակամարտ զորքերի շփման գծում հակառակորդը խախտել է հրադադարի ռեժիմը տարբեր տրամաչափի հրաձգային զինատեսակներից, հայտնում է ԼՂՀ պաշտպանության նախարարության մամուլի ծառայությունը։
Ինչպես նշվում է հաղորդման մեջ, ադրբեջանական զինուժը դիպուկահար հրացաններից հրադադարի պահպանման ռեժիմի խախտել է շուրջ 75 անգամ՝ հայ դիրքապահների ուղղությամբ արձակելով ավելի քան 900 կրակոց:
Արևելյան և հյուսիսարևելյան հատվածներում հակառակորդը ակտիվորեն կիրառել է դիպուկահար հրացաններ՝ արձակելով 39 կրակոց:
«ՊԲ առաջապահ զորամասերը լիակատար վերահսկողություն են պահպանում առաջնագծում և շարունակում իրականացնել մարտական դիրքերի հուսալի պահպանություն»,– ասվում է հաղորդագրության մեջ։ -0-
