Հայաստանի նոր նախագահն առաջին նշանակումներն է կատարել
ԵՐԵՎԱՆ, 11 ապրիլի. /ԱՌԿԱ/. ՀՀ նախագահ Արմեն Սարգսյանն այսօր հրամանագիր է ստորագրել առաջին նշանակումների վերաբերյալ:
Ինչպես հայտնում է ՀՀ նախագահի մամուլի ծառայությունը, Համլետ Գասպարյանը նշանակվել է նախագահի խորհրդական: Մինչ նշանակումը Համլետ Գասպարյանը զբաղեցնում էր արտաքին գործերի նախարարի խորհրդականի և քաղաքական ծրագրավորման վարչության պետի պաշտոնը:
Նախագահի մեկ այլ հրամանագրով Արա Ալեքսանյանը նշանակվել է Հանրապետության նախագահի խորհրդական՝ հասարակական հիմունքներով: Արա Ալեքսանյանը ֆիզիկամաթեմատիկական գիտությունների դոկտոր, պրոֆեսոր է, դասավանդում է Երևանի պետական համալսարանում: Դիսկրետ մաթեմատիկայի և տեսական ինֆորմատիկայի ամբիոնի վարիչն է:
Նախագահ Արմեն Սարգսյանի կարգադրությամբ Հասմիկ Պետրոսյանը նույնպես նշանակվել է Հանրապետության նախագահի օգնական:
Ապրիլի 9-ին կայացել է ՀՀ չորրորդ նախագահ Արմեն Սարգսյանը երդմնակալության արարողությունը: Արմեն Սարգսյանը դարձավ խորհրդարանի կողմից ընտրված առաջին նախագահը խորհրդարանական իշխանավարման համակարգին անցնելուց հետո։-0-
