Հայաստանի վարչապետը կմասնակցի ԵՏՄ պետությունների ղեկավարների գագաթնաժողովին
ԵՐԵՎԱՆ, 12 ապրիլի. /ԱՌԿԱ/. Հայաստանի վարչապետ Հովիկ Աբրահամյանը երեքշաբթի երկօրյա աշխատանքային այցով կմեկնի Մոսկվա` Եվրասիական տնտեսական միության Միջկառավարական խորհրդի նիստին մասնակցելու նպատակով:
Ինչպես հայտնում են կառավարության մամուլի ծառայությունից, այցի շրջանակում նախատեսված է նաև Աբրահամյանի հանդիպումը ՌԴ վարչապետ Դմիտրի Մեդվեդևի հետ:
Հայկական կողմի մասնակացությունը ԵԱՏՄ պետությունների ղեկավարների նիստին հարցականի տակ էր նրանից հետո, երբ Ղազախստանի ճնշման ներքո նիստը Երևանից տեղափոխվեց Մոսկվա:
Ավելի վաղ ռուսական ԶԼՄ-ները հաղորդել էին, որ ԵՏՄ վարչապետերի գագաթնաժողովը, որը պետք է տեղի ունենար ապրիլի 8-ին Երևանում, չեղարկվել էր ղազախստանյան կողմի նախաձեռնությամբ: Աստանայի կարծիքով, Երևանում գագաթնաժողովին մասնակցությունը կարող էր ընկալվել որպես ղարաբաղյան հակամարտության կողմերից մեկին աջակցություն: Ավելի ուշ պարզ դարձավ, որ նիստը կկայանա ապրիլի 13-ին Մոսկվայում:
Պաշտոնական Երևանը կարծում է, որ այս քայլը խաթարեց կազմակերպության հեղինակությունը: -0-
