ՀՀ նախագահը հանդիպում կունենա ՌԴ նախագահի հետ
ԵՐԵՎԱՆ, 9 մայիսի. /ԱՌԿԱ/. ՀՀ նախագահ Սերժ Սարգսյանն այսօր երեկոյան աշխատանքային այցով կմեկնի Ռուսաստանի Դաշնություն, հայտնում են նախագահի մամուլի ծառայությունից:
Հանրապետության նախագահն այցի շրջանակներում մայիսի 8-ին հանդիպում կունենա ՌԴ նախագահ Վլադիմիր Պուտինի հետ: Նույն օրը ՌԴ պաշտպանության կառավարման ազգային կենտրոնում Սերժ Սարգսյանը Ռուսաստանի Դաշնության, Բելառուսի, Ղրղըզստանի և Տաջիկստանի հանրապետությունների նախագահների հետ կդիտի ՌԴ Զինված ուժերի կառավարման վարժանքները:
Ինչպես նշված է հաղորդագրության մեջ, Մոսկվայում Հանրապետության նախագահը կմասնակցի նաև Ռուսաստանի, Բելառուսի, Ղրղըզստանի և Տաջիկստանի նախագահների հետ ոչ պաշտոնական ձևաչափով հանդիպմանը:-0-
Ծանոթացեք լուրերին առաջինն ու քննարկեք դրանք մեր Telegram-ում
17:49 07.05.2014
