Լուրեր են շրջանառվում ՀՀ վարչապետի կուսակցական հնարավոր նախասիրությունների մասին

ԵՐԵՎԱՆ, 30 սեպտեմբերի. /ԱՌԿԱ/. Հայաստանի Ազգային ժողովի փոխխոսնակ, Հայաստանի հանրապետական կուսակցության մամուլի քարտուղար Էդուարդ Շարմազանովը չի բացառում, որ Հայաստանի նոր վարչապետ Կարեն Կարապետյանը կարող է ՀՀԿ անդամ դառնալ, գրում է «Ժամանակ» թերթը։

Նախօրեին կուսակցության գործադիր մարմնի նիստից հետո Շարմազանովը նշել է, որ նորանշանակ նախարարները և կառավարության ղեկավարը քաղաքական նույն թիմի անդամներ են։ 

«ՀՀԿ–ն ամբողջովին պատասխանատվություն է կրում այս կառավարության համար, ինչպես և բոլոր նախորդների։ Կընդգրկվեն դրանք ՀՀԿ կազմում, թե ոչ, ասել չեմ կարող, բայց չեմ բացառում»,– մեջբերում է պարբերականը Շարմազանովի խոսքը։ -0-

Ծանոթացեք լուրերին առաջինն ու քննարկեք դրանք մեր Telegram-ում

11:52 30.09.2016