Պուտին. Ավարտվում է ԵՏՄ-ին Հայաստանի միանալու գործընթացը
ԵՐԵՎԱՆ, 2 հոկտեմբերի. /ԱՌԿԱ/. Ռուսաստանի, Ղազախստանի և Բելառուսի ստեղծած Եվրասիական տնտեսական միության մասնակիցների թիվը կաճի, հայտարարեց ՌԴ նախագահ Վլադիմիր Պուտինը` հիշեցնելով, որ Հայաստանի` ԵՏՄ-ին միանալու գործընթացը եզրափակիչ փուլում:
«Այժմ ավարտվում է Հայաստանի` Եվրասիական տնտեսական միությանը միանալու գործընթացը, ակտիվորեն երկխոսություն է տարվում Ղրղզստանի հետ: Վստահ եմ, որ հեռանկարում այդ միավորման մասնակիցների թիվը կաճի»,- ասել է Պուտինը «ՎՏԲ Կապիտալի» կազմակերպած «Ռուսաստանն է կանչում» ֆորումում:
«Միաժամանակ, մենք կցանկանայինք, որ Եվրասիական տնտեսական միությունը սերտ կապեր հաստատեր ինտեգրացիոն այլ կառույցների հետ ինչպես Եվրոպայում, այնպես էլ Ասիայում: Նման փոխգործակցությունը կայունություն կավելացներ գլոբալ տնտեսությանը: Եվ իհարկե, նման երկխոսությունը հատկապես կարևոր է Եվրամիության հետ, որը մեր առաջատար առևտրային գործընկերն է»,- ավելացրել է նախագահը, հաղորդում է «ՌԻԱ Նովոստին»: -0-
