ՀՀ վարչապետը պետք է ոչ թե քաղաքական ուժերի, այլ հայ ժողովրդի շահերին ծառայի. փորձագետ
ԵՐԵՎԱՆ, 8 ապրիլի./ԱՌԿԱ/. Հայաստանի ապագա վարչապետը պետք է ոչ թե այս կամ այն քաղաքական ուժերի, այլ հայ ժողովրդի և Հայաստանի Հանրապետության շահերին ծառայի, երեքշաբթի լրագրողներին ասաց Հայրենական ապրանք արտադրողների միության նախագահ Վազգեն Սաֆարյանը։
Ապրիլի 3–ին ՀՀ վարչապետ Տիգրան Սարգսյանը հրաժարականի դիմում է ներկայացրել։ Նույն օրը կառավարության հրաժարականն ընդունվել է հանրապետության նախագահ Սերժ Սարգսյանի կողմից, ով հանձնարարել է նախարարներին շարունակել իրենց պարտավորությունների կատարումը մինչև նոր կաբինետի ձևավորումը։
Սաֆարյանի խոսքով` եթե ապագա վարչապետի գործողություններն ուղղված լինեն տնտեսության զարգացմանը, նրան կաջակցեն և իշխանամետ, և ընդդիմադիր քաղաքական ուժերը։
«Իսկ եթե վարչապետը պաշտպանի առանձին քաղաքական ուժի կամ կլանի շահերը, ապա դժգոհություն, այսպես թե այնպես, կառաջանա», – ավելացրեց նա։
Համեմատության համար Սաֆարյանը բերեց Ռուսաստանի օրինակը, որտեղ կառավարությունը քաղաքականացված չէ և բաղկացած է պրոֆեսիոնալներից։ «Նման կառավարություն պետք է լինի նաև Հայաստանում», – ավելացրեց նա։–0–
Ծանոթացեք լուրերին առաջինն ու քննարկեք դրանք մեր Telegram-ում
17:10 08.04.2014
