Երևանի քաղաքապետարանին կից բոլոր մանկապարտեզներում տեսախցիկներ կտեղադրվեն
01.04.2024,
12:47
Տեսախցիկներ կտեղադրվեն Երևանի քաղաքապետարանին կից բոլոր մանկապարտեզներում, երկուշաբթի հայտարարեց Երևանի քաղաքապետ Տիգրան Ավինյանը
ԵՐԵՎԱՆ, 1 ապրիլի․/ԱՌԿԱ/․ Տեսախցիկներ կտեղադրվեն Երևանի քաղաքապետարանին կից բոլոր մանկապարտեզներում, երկուշաբթի հայտարարեց Երևանի քաղաքապետ Տիգրան Ավինյանը։
«Բոլոր մանկապարտեզները պետք է հագեցած լինեն տեսախցիկներով, որոնց պետք է ունենան հասանելիություն մի քանի անձ, ովքեր այդ վերահսկողությունը պետք է իրականացնեն։ Քաղաքապետարանում պետք է համոզված լինեն, որ մանկապարտեզներում մենք ունենք երեխաների համար բարենպաստ միջավայր», - ասաց Ավինյանը։
2023 թվականի դեկտեմբերին սոցիալական ցանցերի հայկական տիրույթում հայտնվեցին տեսանյութեր, որտեղ կային մանկապարտեզներում, այդ թվում՝ մասնավոր, երեխաների նկատմամբ դաժան վերաբերմունքի և ծեծի դրվագներ։–0–
