Հայաստանում կադաստրի պետական կոմիտեն կաշխատի միայն առցանց և լիովին ավտոմատացված. գերատեսչության ղեկավար
ԵՐԵՎԱՆ, 27 նոյեմբերի. /ԱՌԿԱ/. Հայաստանում հինգ տարի անց կգործի լիովին ավտոմատացված կադաստր, բոլոր գործողությունները կիրականացվեն առանց գրասենյակներ անմիջական դիմելու, այսօր լրագրողերի հետ հանդիպմանը հայտարարեց ՀՀ անշարժ գույքի կադաստրի պետական կոմիտեի ղեկավար Սարհատ Պետրոսյանը:
«Կոմիտեն առանձնացրել է աշխատանքի մի շարք ուղղություններ, որոնք կարելի է բաժանել երկու բլոկի: Առաջինն անշարժ գույքի գրանցման համակարգի բարելավումն է, ինչի արդյունքում կադաստրի գործունեությունը կդառնա ամբողջովին ավտոմատացված», - ասաց Պետրոսյանը:
Որպես կոմիտեի գործունեության երկրորդ բլոկ նա նշեց Հայաստանում ինտեգրված կադաստրի ստեղծումը, որը կմիավորի գերատեսչության գործունեության բոլոր ուղղությունները:
«Մեկ կենտրոնից իրականացվող կառավարումն ավելի արդյունավետ կդարձնի համակարգի գործունեությունը», - ասաց Պետրոսյանը:-0-
