Երևանի փողոցներից մեկում երթևեկության կազմակերպման փոփոխություն կկատարվի
07.06.2017,
18:03
Երթևեկության կազմակերպման փոփոխություն կկատարբի Երևանի փողոցներից մեկում, հայտնում է Ճանապարհային ոստիկանությունը։
ԵՐԵՎԱՆ, 7 հունիսի. /ԱՌԿԱ/. Երթևեկության կազմակերպման փոփոխություն կկատարբի Երևանի փողոցներից մեկում, հայտնում է Ճանապարհային ոստիկանությունը։
«Տրանսպորտային միջոցների և հետիոտների երթևեկության անվտանգության բարելավման նպատակով 2017 թ. հունիսի 11-ից Երևանի Աճառյան փողոցի և Աճառյան փողոցից Առինջ գյուղ տանող ճանապարհի խաչմերուկում կկատարվի երթևեկության կազմակերպման փոփոխություն»,– ասվում է հաղորդման մեջ։
Վերոնշյալ չկարգավորվող խաչմերուկում կտեղակայվի լուսացույցային օբյեկտ։ Այսուհետ նշված խաչմերուկով տրանսպորտային միջոցների և հետիոտների երթևեկության հերթականությունը կկարգավորվի լուսացույցի ազդանշաններով: -0-
