Հայաստան օգոստոսին այցելած զբոսաշրջիկների թիվը կրճատվել է՝ հասնելով 300 հազարի
19.09.2024,
10:39
Այս տարվա առաջին 8 ամիսների ընթացքում Հայաստան ամենից շատ զբոսաշրջիկներ են այցելել Ռուսաստանից (մասնաբաժինը` 43,2%), ինչպես նաև Վրաստանից (11,9%) և Իրանից (7,5%)
ԵՐԵՎԱՆ, 18 օգոստոսի․/ԱՌԿԱ/․ Այս տարվա օգոստոսին Հայաստան է այցելել 300 919 զբոսաշրջիկ՝ 2023 թվականի օգոստոսի 328 486-ի դիմաց, հայտնում է Հայաստանի Զբոսաշրջության կոմիտեն։
Այս տարվա առաջին 8 ամիսների ընթացքում Հայաստան ամենից շատ զբոսաշրջիկներ են այցելել Ռուսաստանից (մասնաբաժինը` 43,2%), ինչպես նաև Վրաստանից (11,9%) և Իրանից (7,5%)։
Ազգային վիճակագրական կոմիտեի տվյալներով՝ 2024 թվականի առաջին կիսամյակում Հայաստան այցելած օտարերկրյա զբոսաշրջիկների թիվը կազմել է 946. 162-ը՝ 2023-ի նույն ժամանակահատվածի 1 007 346-ի դիմաց, գրանցվել է 6.1%–ի նվազում։
Ավելի վաղ Էկոնոմիկայի նախարարությունը հայտարարել էր զբոսաշրջային ենթակառուցվածքների զարգացման նոր ծրագիր իրականացնելու մասին, որը նախատեսում է 20 զբոսաշրջային կլաստերների ստեղծում և խթանում։