Բուրգասն ու Երևանը միմյանց հետ կապվել են սեզոնային չարտերային չվերթով
08.07.2026,
15:44
Բուլղարական Բուրգասի և Երևանի միջև իրականացվել է առաջին ուղիղ սեզոնային չարտերային չվերթը
ԵՐԵՎԱՆ, 8 հուլիսի․/ԱՌԿԱ/․ Բուլղարական Բուրգասի և Երևանի միջև իրականացվել է առաջին սեզոնային ուղիղ չարտերային չվերթը։
Ինչպես Facebook-ում հայտնում է Բուլղարիայում Հայաստանի դեսպանությունը, Bulgaria Air ավիաընկերության կողմից իրականացված չվերթն ազդարարել է երկու քաղաքների միջև նոր սեզոնային ավիահաղորդակցության մեկնարկը։
Ակնկալվում է, որ նոր չարտերային ուղին կնպաստի զբոսաշրջության զարգացմանը, մշակութային կապերի ամրապնդմանը և Բուլղարիայի ու Հայաստանի միջև համագործակցության նոր հնարավորությունների ստեղծմանը։
Չվերթները կիրականացվեն շաբաթական մեկ անգամ՝ երեքշաբթի օրերին՝ մինչև օգոստոսի վերջ՝ ամառային սեզոնին ուղիղ կապ ապահովելով Սև ծովի բուլղարական ափի և Երևանի միջև։
