Հայաստանի ավիացիայի ոլորտի ազատականացումը կարող է հանգեցնել ավիատոմսերի 10–տոկոսանոց էժանացման. նախարար
23.10.2013,
18:29
Հայաստանի ավիացիայի ոլորտի ազատականացումը կարող է հանգեցնել ավիատոմսերի 10–տոկոսանոց էժանացման, չորեքշաբթի կառավարությունում կայացած ճեպազրույցում հայտարարեց Հայաստանի էկոնոմիկայի նախարար Վահրամ Ավանեսյանը։
ԵՐԵՎԱՆ, 23 հոկտեմբերի. /ԱՌԿԱ/. Հայաստանի ավիացիայի ոլորտի ազատականացումը կարող է հանգեցնել ավիատոմսերի 10–տոկոսանոց էժանացման, չորեքշաբթի կառավարությունում կայացած ճեպազրույցում հայտարարեց Հայաստանի էկոնոմիկայի նախարար Վահրամ Ավանեսյանը։
Հայաստանի կառավարությունը չորեքշաբթի Հայաստանում ավիափոխադրումների ոլորտի ազատականացման մասին որոշում է ընդունել։
Նախարարի խոսքով` ավիացիոն ոլորտի ամբողջական ազատականացումը, միջազգային փորձագետների գնահատականներով, կարող է 18-23 հազար նոր աշխատատեղ, ինչպես նաև ավիափոխադրումների 20-25–տոկոսանոց աճ ապահովել։
«Անշուշտ, այս ամենին կհաջողվի հասնել ոչ միանգամից։ Կարծում եմ` կպահանջվի առնվազն մեկ տարի այդ ցուցանիշներին հասնելու համար»,– ավելացրեց նա։
Հայաստանի միակ ազգային ավիափոխադրող «Արմավիա» ընկերությունը որոշում է ընդունել 2013 թվականի ապրիլի 1–ից չվերթերը դադարեցնելու և սնանկացման ընթացակարգ սկսելու մասին։
Ավելի վաղ Հայաստանի կառավարությունը հաստատել է ավիափոխադրումների ոլորտի փուլային ազատականացման ռազմավարությունը։ Տվյալ փաստաթուղթը նախատեսում է ոլորտում առնվազն երեք հայկական ավիաընկերությունների գործունեություն։ -0-
Հայաստանի կառավարությունը չորեքշաբթի Հայաստանում ավիափոխադրումների ոլորտի ազատականացման մասին որոշում է ընդունել։
Նախարարի խոսքով` ավիացիոն ոլորտի ամբողջական ազատականացումը, միջազգային փորձագետների գնահատականներով, կարող է 18-23 հազար նոր աշխատատեղ, ինչպես նաև ավիափոխադրումների 20-25–տոկոսանոց աճ ապահովել։
«Անշուշտ, այս ամենին կհաջողվի հասնել ոչ միանգամից։ Կարծում եմ` կպահանջվի առնվազն մեկ տարի այդ ցուցանիշներին հասնելու համար»,– ավելացրեց նա։
Հայաստանի միակ ազգային ավիափոխադրող «Արմավիա» ընկերությունը որոշում է ընդունել 2013 թվականի ապրիլի 1–ից չվերթերը դադարեցնելու և սնանկացման ընթացակարգ սկսելու մասին։
Ավելի վաղ Հայաստանի կառավարությունը հաստատել է ավիափոխադրումների ոլորտի փուլային ազատականացման ռազմավարությունը։ Տվյալ փաստաթուղթը նախատեսում է ոլորտում առնվազն երեք հայկական ավիաընկերությունների գործունեություն։ -0-
