Հայ պատգամավորները պահանջում են հավասարեցնել իրենց աշխատավարձը նախարարների աշխատավարձին
24.10.2013,
15:55
ՀՀ ԱԺ–ն քննարկում է կառավարության ներկայացրած «Պետական պաշտոններ զբաղեցնող անձանց վարձատրության մասին» օրինագիծը։ Քննարկման ընթացքում պատգամավորներից շատերը պահանջել են հավասարեցնել իրենց աշխատավարձը նախարարների աշխատավարձին։
ԵՐԵՎԱՆ, 24 հոկտեմբերի. /ԱՌԿԱ/. ՀՀ ԱԺ–ն քննարկում է կառավարության ներկայացրած «Պետական պաշտոններ զբաղեցնող անձանց վարձատրության մասին» օրինագիծը։ Քննարկման ընթացքում պատգամավորներից շատերը պահանջել են հավասարեցնել իրենց աշխատավարձը նախարարների աշխատավարձին։
Ըստ օրինագծի` նախագահի աշխատավարձի գործակիցը 20 է, խորհրդարանի խոսնակինն ու վարչապետինը` 18, նախարարներինը` 12, պատգամավորներինը` 10։ Գործակիցը կբազմապատկվի այն բազային դրույքաչափով, որն ամեն տարի կամրագրվի պետբյուջեում։ 2014 թ.–ի պետբյուջեում բազային դրույքաչափը կազմում է մոտ 66 հազար դրամ։ (մոտ 163 դոլար)։
Ւնչպես նշեց ՀՀԿ պատգամավոր Դավիթ Հարությունյանը, սա քաղաքական փաստաթուղթ է, այն արտացոլում է, «թե պաշտոնյաներից ով, ինչ դեր պետք է խաղա պետական կառուցվածքում»։
«Պետական պաշտոնյաների ստացած աշխատավարձը չի համապատասխանում շուկայական աշխատավարձին», – ասել է նա։
Պատգամավորների դժգոհությունն ամփոփել է ԲՀԿ–ական Ստեփան Մարգարյանը, ով հայտարարել է, որ հիերարխիական աստիճանի վրա պատգամավորը չպետք է նախարարից ցածր կանգնած լինի։
«Հավասարեցնելով պատգամավորի գործակիցը փոխնախարարի և մարզպետի գործակցի հետ (10)` կառավարությունն իր իրական վերաբերմունքն է արտահայտում Ազգային ժողովի նկատմամբ», – ասել է նա։
Մարգարյանը նաև ընդգծել է, որ խորհրդարանի խոսնակի պաշտոնն ավելի բարձր է վարչապետի պաշտոնից, քանի որ ըստ սահմանադրության` հենց խոսնակն է փոխարինում նախագահին վերջինիս բացակայության դեպքում, «այդ պատճառով չի կարելի հավասարեցնել այս երկու պաշտոնների գործակիցները»։–0–
Ըստ օրինագծի` նախագահի աշխատավարձի գործակիցը 20 է, խորհրդարանի խոսնակինն ու վարչապետինը` 18, նախարարներինը` 12, պատգամավորներինը` 10։ Գործակիցը կբազմապատկվի այն բազային դրույքաչափով, որն ամեն տարի կամրագրվի պետբյուջեում։ 2014 թ.–ի պետբյուջեում բազային դրույքաչափը կազմում է մոտ 66 հազար դրամ։ (մոտ 163 դոլար)։
Ւնչպես նշեց ՀՀԿ պատգամավոր Դավիթ Հարությունյանը, սա քաղաքական փաստաթուղթ է, այն արտացոլում է, «թե պաշտոնյաներից ով, ինչ դեր պետք է խաղա պետական կառուցվածքում»։
«Պետական պաշտոնյաների ստացած աշխատավարձը չի համապատասխանում շուկայական աշխատավարձին», – ասել է նա։
Պատգամավորների դժգոհությունն ամփոփել է ԲՀԿ–ական Ստեփան Մարգարյանը, ով հայտարարել է, որ հիերարխիական աստիճանի վրա պատգամավորը չպետք է նախարարից ցածր կանգնած լինի։
«Հավասարեցնելով պատգամավորի գործակիցը փոխնախարարի և մարզպետի գործակցի հետ (10)` կառավարությունն իր իրական վերաբերմունքն է արտահայտում Ազգային ժողովի նկատմամբ», – ասել է նա։
Մարգարյանը նաև ընդգծել է, որ խորհրդարանի խոսնակի պաշտոնն ավելի բարձր է վարչապետի պաշտոնից, քանի որ ըստ սահմանադրության` հենց խոսնակն է փոխարինում նախագահին վերջինիս բացակայության դեպքում, «այդ պատճառով չի կարելի հավասարեցնել այս երկու պաշտոնների գործակիցները»։–0–
