Հայաստանի կառավարությունն առաջարկում է ազատել խոշոր ընկերությունները պարտադիր անկախ աուդիտից
23.04.2014,
17:58
Հայաստանի կառավարությունը չորեքշաբթի նիստում հավանություն տվեց «Հաշվապահական հաշվառման մասին» օրենքում փոփոխությունների կատարման օրինագծին, որին համապատասխան` խոշոր ընկերություններն ազատվում են տարեկան ֆինանսական հաշվետվության պարտադիր անկախ աուդիտից։
ԵՐԵՎԱՆ, 23 ապրիլի. /ԱՌԿԱ/. Հայաստանի կառավարությունը չորեքշաբթի նիստում հավանություն տվեց «Հաշվապահական հաշվառման մասին» օրենքում փոփոխությունների կատարման օրինագծին, որին համապատասխան` խոշոր ընկերություններն ազատվում են տարեկան ֆինանսական հաշվետվության պարտադիր անկախ աուդիտից։
Գործող օրենքի համաձայն` խոշոր ընկերությունները (ավելի քան 1 մլրդ դրամի հասույթ կամ ակտիվներ ունեցող ընկերություններ) պետք է ներկայացնեն ընթացիկ տարվա անկախ աուդիտորական եզրակացություն մինչև հաջորդ տարվա հուլիսի 1–ը։ Հակառակ դեպքում նրանք զրկվում են պետգնումների տենդերների մասնակցությունից։
Այս դրույթը գործում էր Հայաստանում 2011 թվականից։ -0-
