Օրվա ընթացքում թշնամական կողմը շարունակել է թիրախավորել խաղաղ բնակավայրերը. ԱՀ ԱԻՊԾ
05.11.2020,
20:19
Օրվա ընթացքում թշնամական կողմը շարունակել է թիրախավորել խաղաղ բնակավայրերը. ԱՀ ԱԻՊԾ
ԵՐԵՎԱՆ, 5 նոյեմբերի./ԱՌԿԱ/. Օրվա ընթացքում թշնամական կողմը շարունակել է խաղաղ բնակավայրերի թիրախավորման իր ծրագիրը, հաղորդում է Արցախի Արտակարգ իրավիճակների պետական ծառայությունը:
Մարտունիում կիրառվել է ծանր հրետանի։ Քաղաքում մեկ անգամ օդային տագնապ է հայտարարվել։
Շուշին պարբերաբար հրթիռակոծվել է գրադ կայանքից։ Ավերածություններն այստեղ շատ են։
Նշանակետում դարձյալ քաղաքացիական և հանրային նշանակության օբյեկտներն են եղել։
«Օրվա ընթացքում երկու անգամ Ստեփանակերտն է հրթիռակոծվել։ Բարեբախտաբար, խոշոր ավերածություններ չեն գրանցվել։ Ընդհանուր առմամբ, տուժածներ` նախնական տվյալներով չկան»,- նշվում է հաղորդագրության մեջ: -0-
