Նիդերլանդները դեսպանատուն կհիմնեն Հայաստանում
15.11.2019,
12:00
Նիդերլանդները դիվանագիտական առաքելություն կհիմնեն Հայաստանում։
ԵՐԵՎԱՆ, 15 նոյեմբերի./ԱՌԿԱ/. Նիդերլանդները դիվանագիտական առաքելություն կհիմնեն Հայաստանում։ Այս մասին նշվում է ՀՀ ԱԳՆ–ի Twitter–ի էջում։
Նիդերլանդների խորհրդարանը կողմ է քվեարկել ՀՀ–ում երկրի դեսպանատուն հիմնելու որոշմանը։
«Մենք ողջունում ենք Նիդերլանդների խորհրդարանի դիրքորոշումը Երևանում դիվանագիտական առաքելություն բացելու հարցում։ Այս քայլը ՀՀ–ում ընթացող ժողովրդավարական գործընթացներին աջակցելու դրսևորում է», – նշվում է հաղորդագրության մեջ։
Ինչպես նշել են ԱԳՆ–ից, դեսպանատան աշխատանքը կամրապնդի Հայաստանի և Նիդերլանդների միջև գոյություն ունեցող վաղեմի գործընկերական հարաբերությունները։–0–
