Պաղեստինի ԱԳՆ ղեկավարը ծրագրում է այցելել Հայաստան
11.05.2012,
12:10
Պաղեստինի արտգործնախարար Ռիյադ ալ-Մալիքին Հայաստանի ԱԳ նախարար Էդվարդ Նալբանդյանի հետ հանդիպման ժամանակ հայտարարել է Երևան այցելելու իր մտադրության մասին, հայտնում է Հայաստանի ԱԳՆ մամուլի ծառայությունը:
ԵՐԵՎԱՆ, 11 մայիսի. /ԱՌԿԱ/. Պաղեստինի արտգործնախարար Ռիյադ ալ-Մալիքին Հայաստանի ԱԳ նախարար Էդվարդ Նալբանդյանի հետ հանդիպման ժամանակ հայտարարել է Երևան այցելելու իր մտադրության մասին, հայտնում է Հայաստանի ԱԳՆ մամուլի ծառայությունը:
Հանդիպումը տեղի է ունեցել Եգիպտոսի Շարմ էլ-Շեյխ քաղաքում կայացած Չմիավորված երկրների շարժման անդամ պետությունների արտգործնախարարների հանդիպման շրջանակներում:
«Հանդիպման ժամանակ մտքեր փոխանակվեցին հայ-պաղեստինյան հարաբերությունների զարգացման ուղիների շուրջ: Նախարար ալ-Մալիքին վերահաստատեց Հայաստան այցելելու իր մտադրությունը»,- ասվում է հաղորդագրության մեջ:--0--
