Աբրահամյանը և Մեդվեդևը հեռախոսազրույցի ընթացքում քննարկել են Երևանում սպասվող հանդիպման մանրամասները
ԵՐԵՎԱՆ, 1 ապրիլի. /ԱՌԿԱ/. Հայաստանի և Ռուսաստանի վարչապետեր Հովիկ Աբրահամյանը և Դմիտրի Մեդվեդևը ուրբաթ հեռախոսազրույցի ընթացքում քննարկել են Երևանում սպասվող հանդիպմանն առնչվող հարցեր, հայտնում է կառավարության մամուլի ծառայությունը։
Սպասվում է, որ Ռուսաստանի վարչապետ Դմիտրի Մեդվեդևը կայցելի Հայաստան ապրիլի 7-ին:
Զրույցի ընթացքում քննարկվել են նաև Երևանում նախատեսվող Եվրասիական միջկառավարական խորհրդի նիստին առնչվող հարցեր:
«Զրուցակիցները անդրադարձել են հայ-ռուսական դաշնակցային հարաբերությունների ընթացիկ օրակարգին, ինչպես նաև քննարկել են երկկողմանի առևտրատնտեսական համագործակցությանն առնչվող հարցեր», - նշվում է հաղորդագրության մեջ: -0-
Ծանոթացեք լուրերին առաջինն ու քննարկեք դրանք մեր Telegram-ում
15:46 01.04.2016
