Արցախի իշխանությունները չպետք է ուշադրություն դարձնեն ԵԽԽՎ բանաձևի վրա. Օհանյան
ԵՐԵՎԱՆ, 26 հունվարի. /ԱՌԿԱ–Նովոստի–Արմենիա/. Արցախի իշխանությունները չպետք է ուշադրություն դարձնեն ԵԽԽՎ բանաձևի վրա, երեքշաբթի ասուլիսի ժամանակ հայտարարեց ՀՀ պաշտպանության նախարար Սեյրան Օհանյանը։
«Արցախի իշխանությունները չպետք է ուշադրություն դարձնեն այդ կեղծ նյութերի վրա, անհրաժեշտ է շարունակել աշխատանքները Սարսանգի ջրամբարում», – ասաց նա։
ԵԽԽՎ–ն երեքշաբթի մերժել է բրիտանացի Ռոբերտ Ուոլթերի հեղինակած «Բռնության աճը Լեռնային Ղարաբաղում և Ադրբեջանի այլ օկուպացված տարածքներում» հակահայկական բանաձևը։
Ավելի ուշ Վեհաժողովն ընդունեց բոսնիացի պատգամավոր Միլիցա Մարկովիչի հեղինակած «Ադրբեջանի սահմանամերձ բնակչությանը դիտավորյալ կերպով զրկել են ջրից» հակահայկական բանաձևը։
Օհանյանի խոսքով` այնտեղ իրականացվող բոլոր միջոցառումները, որոնք անցկացվել են դեռևս խորհրդային տարիներին, կրում են սոցիալական բնույթ։
Սարսանգի ջրամբարը գտնվում է Թարթառ գետի վրա, այն ԼՂՀ–ի խոշորագույն ջրամբարն է։ –0–
