ՀՀ բնապահպանության նախկին նախարար Արամայիս Գրիգորյանը նշանակվեց Արարատի մարզպետ
02.02.2017,
12:26
Գործադիր մարմինը հինգշաբթի նիստի ժամանակ հաստատեց Գրիգորյանի նշանակման հարցը։
ԵՐԵՎԱՆ, 2 փետրվարի. /ԱՌԿԱ/. ՀՀ բնապահպանության նախկին նախարար Արամայիս Գրիգորյանը նշանակվեց Արարատի մարզպետ։
Գործադիր մարմինը հինգշաբթի նիստի ժամանակ հաստատեց Գրիգորյանի նշանակման հարցը։
Նախագիծը կառավարության որոշմանը ներկայացրեց ՀՀ տարածքային կառավարման և զարգացման նախարար Դավիթ Լոքյանը։
«ԱՌԿԱ» գործակալության թղթակցի հաղորդմամբ, ՀՀ Արարատի մարզպետ Ռուբիկ Աբրահամյանը հինգշաբթի կառավարության որոշմամբ ազատվեց զբաղեցրած պաշտոնից։
Ինչպես նիստի ընթացքում տեղեկացրեց Դավիթ Լոքյանը, որոշումն ընդունվել է Աբրահամյանի սեփական դիմումի հիման վրա։
ԶԼՄ–ների հաղորդմամբ, Ռուբիկ Աբրահամյանը նախկին վարչապետ Հովիկ Աբրահամյանի թիմի անդամ էր, իսկ Հովիկ Աբրահամյանը մի քանի օր առաջ հայտարարեց, որ լքում է ՀՀԿ–ի շարքերը։–0–
