Հայաստանը պատրաստ է դիվանագիտական հարաբերություններ հաստատել Թուրքիայի հետ առանց նախապայմանների. Փաշինյան
ԵՐԵՎԱՆ, 27 հուլիսի./ԱՌԿԱ/. ՀՀ վարչապետ Նիկոլ Փաշինյանը «Ալ Ջազիրա» հեռուստաալիքին տված հարցազրույցում հայտարարել է Թուրքիայի հետ դիվանագիտական հարաբերություններ հաստատելու պատրաստակամության մասին։
«Խնդիրն այն է, որ Հայաստանը չի փակել Թուրքիայի հետ սահմանը։ Այլ Թուրքիան է փակել Հայաստանի հետ սահմանը։ Մեր կողմից սահմանը միշտ բաց է եղել։ Թուրքիան պետք է որոշում կայացնի սահմանի բացման մասին։ Հայաստանը պատրաստ է դիվանագիտական հարաբերություններ հաստատել Թուրքիայի հետ առանց նախապայմանների», – ասել է ՀՀ վարչապետը։
Նրա խոսքով, Հայաստանը ներգրավված է տարածաշրջանային գործընթացների մեջ, հատկապես` կապված Իրանի հետ։
«Մենք պատրաստ ենք լինել կառուցողական, որպեսզի տարածաշրջանը դառնա ավելի անվտանգ, խաղաղ և բարգավաճող», – ավելացրել է ՀՀ վարչապետը։–0–
